Zabaltza plaza kulturaz bustiko da
Bilduma Azoka antolatu dute larunbaterako Zabaltza plazan. Azoka ondoren, Tumtumparen kontzertuaren txanda izango da.
Larunbatean, abuztuaren 2an, kulturaz blai egingo du Irungo Zabaltza plazak. Izan ere, egun osoan zehar 17. Bilduma Azoka egingo dute bertan, 10:00etatik 21:00etara. Azokan, CDak, komikiak, liburuak edo bestelako bilduma objektuak egongo dira salgai.
Azoka bukatzear egongo dela, 20:00etan, Tumtumparen txanda izango da. Musika brasildarra egiten du Edson Goya, Mercedes Aizpurua eta Doudou Henryk osatzen duten hirukoteak. Erritmo ugari entzuteko aukera izango dute irundarrek: samba, bossa nova, choro, baião, xote, xaxado, forró, arrasta pé, canção edota valsa.

