Garraio publikoaren doakotasuna 14 urtera arte luzatu du udalak
Garraio publikoaren doakotasuna 12 urtetik 14ra igotzea onartu du Irungo Udaleko osoko bilkurak. Abendura arte iraungo neurriak.
Zaisa-Ospitalea lineak ditu bidaiari gehien. Irungo Udalak Gipuzkoako Garraioaren Lurralde Agintaritzaren barruan jarraitzea hitzartu eta gutxira, garraio publikoaren doakotasuna 12 urtetik 14 urtera arte igotzeko erabakia hartu du udaleko osoko bilkurak. Abendura arte iraungo du neurriak.
Beste zenbait hobari ere badakartza neurriak: Mugi tarifen zenbatekoaren %50aren murrizketa gazte tituluetan, eta %40ko beherapena beste multibidai tituluetan.
Garraio publikoaren eta Mugi sistemaren sustapenean aitzindari ari da izaten Irun. Mugi birtualaren proba fasea egin duen lehen hiria izan da, baita autobus elektrikoen linea bat sortzen Araba, Bizkaia eta Gipuzkoako lehen hiria ere. Gainera, Irunbuseko flota %100ean elektrifikatu duen lehen udalerria ere izan da.
