Gaur hasi dira Elitxu-Lapitzeko jaiak
Gaur hasi eta igandera arte luzatuko dira Elitxu-Lapitzeko jaiak. Txapelketak, kontzertuak, otorduak... denetariko jarduerez gozatzeko aukera egongo da.
Gaur, hilaren 16an, 12:00etan eman diete hasiera Elitxu-Lapitzeko jaiei. Igandera, hilaren 20ra, arte jarduera mota ugari izango dira auzoan: musika, haur jolasak, txapelketak, erraldoiak…
Gaur eguerdian luntxarekin hasiera eman ondoren, udal bandaren emanaldiarekin itxiko dute jaietako lehen eguna. Bihar, ordea, jarduera fisikoa izango da eguneko izarra. Izan ere, futbol eta mahai tenis txapelketa egingo dute, baita gazte eta haurrentzako hainbat tailer eta joko ere.
Ostiralean jai giroan murgiltzen hasiko dira, herri sardina jana izango baitute, Duo Estallido eta diskofestaren aurretik. Larunbatean, aire libreko marrazki lehiaketa, mahai tenis txapelketa, tira gomazko plater tiro txapelketa edota toka txapelketa izango dituzte, besteak beste. Iluntze aldera, haur danborrada egingo dute, herri sardina janaren ordu berean. Onodren, Orlando y sus mariachis eta diskofesta izango dituzte.
Igandean, jaiak bukatzeko danborradaren diana eta udal txistulari bandaren dianarekin hasiko dute eguna. Tortilla lehiaketaren ostean, haurren txanda izango da: haur danborrada, eta haur jolas eta eskulanak. Arratsaldean, Bidasoako Erraldoien txanda izango da, eta bukatzeko, Solomo eta hirugihar barbakoa eta pintxo salmenta egingo dituzte, Voces Navarrasen emanaldiaren aurretik.
Elitxu-Lapitzeko jaien egitaraua
Gaur, hilak 16
- 12:00 – JAI HASIERA.
- 12:30 – Lunch-a auzoko elkartean, auzoko bertako nagusientzat (ez da beharrezkoa bazkide izatea lunch-era sartzeko).
- 20:00 – Irungo udal bandaren emanaldia PIO XII plazan, Karmengo Amaren omenez.
Osteguna, hilak 17
- 11:00 – Futbol txapelketa, Irungo Funtsal eta kale hezitzaileek antolatuta.
- 16:00 – Futbol txapelketaren bukaera.
- 17:00 – Pin-Pon txapelketa auzoko gazteek antolatuta.
- 17:00 – Gazteleku antolatutako tailerrak.
- 17:30 – Haur-jokoak Alai Txokon, TXIRIBUELTA taldearen eskutik eta haurrentzako askaria.
Ostirala, hilak 18
- 17:00 – Haur jolasak eta aldi bereko xake partidak, BIDASOA XAKE-ren eskutik, Pio XII plazan.
- 18:00 – Tute txapelketa FANO tabernan.
- 18:30 – Haurrentzako askaria, opiltxoa eta txokolatea.
- 20:00 – Herri sardina jana, ORDO ZELAI sagardoa-en laguntzaz.
- 21:00 – DUO ESTALLIDO-en emanaldia.
- 22:30 – GB EVENTOS Diskofesta – 80 eta 90eko hamarkadetako hitak!
Larunbata, hilak 19
- 10:00 – Pin-pon txapelketa! Pío Baroja patioan
- 10:30 – Aire libreko marrazki lehiaketa “XIX. Toñin Pérez memoriala”
- 11:00 – I. Irungo tira gomazko plater-tiro txapelketa
- 12:00 – V. toka txapelketa ALAI TXOKOON, izen-ematearekin batera txistorra pintxo bat emango da.
- 12:30 – Marrazki lehiaketako sari banaketa.
- 12:30 – Pote Batukada! Geldialdiak hainbat tabernetan, irteera Alai Txoko
- 18:00 Mus txapelketa Fano tabernan
- 18:00 – DULCE GUERRERO topagune Standa, haur diabetesari aurkako ekimena.
- 18:00 – Ballet Fit, Miren Gómezen babesarekin.
- 18:30 – Irungo hainbat dantza eskolen emanaldia: Miren Gómez, Embrujo Andaluz.
- 20:00 – Haur danborrada.
- 20:00 – Herri sardina jana, ORDO ZELAI sagardoa-en laguntzaz.
- 21:00 – ORLANDO Y SUS MARIACHIS-en emanaldia.
- 22:30 – GB EVENTOS Diskofesta.
- 23:30 – Nagusien danborrada.
Igandea, hilak 20
- 08:00 – Danborradaren diana.
- 09:00 – Irungo udal txistulari bandaren diana.
- 10:30 – Tortilla lehiaketa “Patxi Marquínez memoriala”: 18 urtetik gorakoentzat. Adin txikikoak nagusiaren baten ardurapean aritu beharko dira. FOREST PIONNER//BRAVO LOGISTIC S.L. enpresaren laguntzaz.
- 12:00 – Meza auzoko hildakoen alde, Lapitze konpainiako kideekin (Mendekoste parrokian).
- 12:30 – Haur danborrada (Plaza Pio XII plazatik abiatuko da).
- 17:00 – Haur jolasak eta eskulanak, OINAURRE PARKEAN.
- 18:30 – Mago Bertoren emanaldia OINAURRE PARKEAN.
- 18:30 – BIDASOAKO ERRALDOIAK.
- 19:00 – Solomo eta hirugiharra barbakoa OINAURRE PARKEAN.
- 19:00 – Urdaiazpiko moztailea eta pintxo salmenta.
- 20:00 – VOCES NAVARRAS-en emanaldia
