Udako turismo kanpainan, ardo dastaketak edo badian zehar txangoak
Udako turismo kanpaina aurkeztu dute eta iruditeriaren arduraduna Miriam Moreno artista irundarra izan da.
Uda honi begirako kanpaina turistikoa aurkeztu dute gaur udalak eta Irun Turismoak. Aurtengo leloa uda honetan, gida zaitzatela da eta asmoa ondarea, historia, gastronomia eta natura parte hartzearen bidez eta modu aktibo eta atsegin batean ezagutzea bultzatzea izan da.
Kanpaina honen irudia Miriam Moreno artista irundarrak ondu du eta sustapen materialetan baliatuko dute ilustrazioa. Leku turistikoetan egongo dira eskuragarri euskarri hauek.
“Urrutiago begiratzea” izan da xedea.Nuria Alzaga alkateordeak esan du hiriko eskaintza gastronomiaren, naturaren eta kulturaren aldetik aberasten duten esperientziak direla proposamen guztiak. Bertakoengan eta kanpokoengan pentsatu dute kanpaina osatzerakoan.
Bisita gidatuak
- Zubiz zubi: ibilbide bat Bidasoa ibaian behera. Etorbidearen zubitik hasi eta Behobiako aduana zaharreraino, Gazteluzarretik igarota.Hiriaren iragana gune historikoen bidez ezagutzeko proposamena da.
- Bi ordu baino gehiagoko ibilbidea.
- Uztail eta abuztuko ostegunetan.
- 3 euro.
- Junkaleko Andre Mariaren elizako kanpai dorrea: Irundik goitik begiratzeko jarduera.
- 25 minutu.
- Udako larunbatetan.
- 1,5 euroan.
- Ondarea bisitatzen: Urdanibia plaza, Santiago karrika, Ama Xantalen ermita, udaletxea eta Junkaleko Andre Mariaren elizako kanpai dorrea.
- Bi orduko ibilbidea.
- Euskaraz: astearte arratsaldetan; gaztelaniaz, asteazken goizetan eta ostiral arratsaldetan.
- 3 euro.
- Udaletxean bisita gidatua
- 50 minutu.
- Hileko azken larunbatetan, azarora arte.
- Euskaraz: 11:00etan; gaztelaniaz, 12:00etan.
- Oiasso Museoko aretoak eta terma erromatarra
- Larunbatetan.
- Irun erromatarra ezagutzeko irteera hirian zehar
- Igandetan.
- Euskaraz, 11:00etan, eta gaztelaniaz, 12:00etan.
- Enogastronomia
- Ola sagardotegian sagardoa egiteko prozesua ikastea, bisita, dastaketa eta menuarekin batera.
- Felix Manso: chefarekin batera ardoarekin ezkontzeko bost plater prestatzea edo pintxo dastaketa batean parte hartzea eta sommelier baten azalpenak jasotzea.
- Mendibil ardandegia: bost ardo itsuan dastatzea, zentzumenak zorrozteko eta dastatzen ikasteko.
