2026ko OCR oztopo lasterketa Irunen egingo dute
Maiatzaren 28tik 31ra 2.500 parte hartzaile baino gehiago bertaratuko dira Irunen egingo den oztopo lasterketara.
Irungo Udalak jakinarazi duenez, 2026ko Europako OCR Txapelketa Irunen jokatuko da maiatzaren 28tik 31ra.
Parte hartzaileek zenbait oztopo gainditu beharko dituzte ibilbidea osatzeko, eta Europa mailako lehiaketaren bederatzigarren edizioa izango da.
Irunera, 2.500 parte hartzaile baino gehiago etorriko direla aurreikusi dute.
Cristina Laborda, Irungo alkatea: “Irunek ondo baino hobeto erakutsi du ekitaldi handiak antolatzeko prest dagoen hiria dela eta, jakina, kasu honetan ere agerian geratuko da antolakuntzarako dugun gaitasuna. Lurralde mailan ere erreferente izaten jarraitu nahi dugu, eta hori begien bistakoa da azken urteetan antolatu ditugun ekitaldi masiboei erreparatuta”.
Azken urteetan oihartzun handia izan du kirol honek, eta 2028an Los Angeleseko joko olinpikoetan sartuko da.
