Landa ostatuen okupazioa, %50etik gorakoa uztailerako eta abuzturako Oarso Bidasoan
Nekaturrek nekazalturismo, landa-etxe edo landa-apartamentuen udako prebisioen gaineko datuak eman ditu.
Nekatur Euskadiko Landa Ostatuen Elkarteak haren bazkide direnen uztaileko eta abuztuko prebisioen berri eman du. Gipuzkoan 126 nekazalturismo, landa-etxe edo landa-apartamentu dira Nekaturren barruan daudenak, tartean hainbat Oarsoaldekoak eta Bidasokoak. Bada, elkarteak uztailerako eta abuzturako establezimendu horietan jada eginak dauden erreserben zenbatekoaren berri eman du.
Oarsoaldean, nekazalturismo, landa-etxe edo landa-apartamentuen artean gaurko egunez egindako erreserben arabera, okupazioa %65,3koa da uztailean, eta %63koa abuztuan; Bidasoan, berriz, uztailekoak %51,9an daude, eta abuztukoak %53an. Kopuru horiek, nola ez, gorantz egin dezakete oraindik ere asteak falta direlako data horietara iristeko.
Gipuzkoa osoko batez besteko okupazioa %50,8koa da uztailean, eta %60koa abuztuan.
