'Generoa ohituretan dantzan' hitzaldi sorta abiatuko dute
Emeki eta Parean elkarteek sortutako egitasmoa da. Ohiturak eta tradizioak gaur egunera nola iritsi eta biziberritu diren Lehen hitzaldia hilaren 10ean izango da, euskal dantzari buruzkoa.
Emeki eta Parean elkarteek Generoa ohituretan dantzan hitzaldi sorta abiatuko dute ekainaren 10ean. Foroaren baitan ohituren eta tradizioen bizi berritzeaz arituko dira, begirada zabaldu eta eztabaidarako plaza bat sortzeko asmoz.
Horretarako “gure sustraiak” diren hainbat usadio izango dituzte hizpide, eta horiek gaur egunera iritsi arte izan duen bilakaera aztertuko dute.
Lehen hitzaldia, Euskal dantzak tradizioak iraunarazten, hilaren 10ean izango da eta Oier Araolaza dantzari eta antopologoak eskainiko du. Araolazak Euskal dantzek izan duten bilakaera izango du aztergai. “Tradizioak mantenduz, eta aldi berean gaurkotuz gurera nola iritsi diren aztertuko dugu”, adierazi dute antolatzaileek.
Araolazak Genero identitatea euskal dantza tradizionalen eraikuntzan doktorego tesia aurkeztu zuen. Bertan, gaur arte dantzetan iraun duten estereotipo bitarrak noiz, nola eta zein asmorekin sortu zituzten aztertu du Eibartarrak. Hitzordua 18:30ean izango da, Zuloaga Etxean.
Hitzaldi ziklo honek udazkenean izango du jarraipena. Hurrengo saioetan bertsolaritza eta euskalgintza izango dituzte hizpide. Eta aurreratu dutenez, sona handiko gonbidatuak izango dituzte.
