Udaltzaingoak 2.282 pertsonari egin dio kontrola apirilean
Kontrolatutako pertsona guztien %1,2-ri jarri zieten isuna. Datozen hilabeteetan kontrol berdinak egiten jarraituko du Udaltzaingoak.
Apirilean kontrol kanpainak egin ditu Udaltzaingoak, bide segurtasuna in dartzeko eta hiriko kaleetan bizikidetza seguruagoa sustatzeko xedez. Guztira 31 kontrol izan dira eta 2.282 gidari eta oinezkori egin dizkiete. Orotara, 29 salaketa jarri dira, hau da, kontrol guztien %1,2: lau gidatzean distraitzeagatik (672 ibilgailu kontrolatu dituzte), bost mugikortasun pertsonaleko ibilgailuei eta bizikletei (582 ibilgailu eta oinezko kontrolatuta), hamaika oinezkoei gorriz gurutzatzeagatik eta bederatzi uhalak, kaskoak eta haurrei eusteko sistemak gaizki erabiltzeagatik (924 ibilgailu kontrolatu dituzte).
Iñigo Berges, Herritarren Segurtasun eta Bizikidetza Arloko ordezkariarentzat “funtsezkoak” dira Udaltzaingoak egindako jarduketa hauek. Izan ere, Udaltzaingoaren lana ez dela “zigortzea” bakarrik azaldu du, “prebenitzea” ere badela. Kanpaina honekin kontzientzia sortu nahi izan dute, heztea eta bizitzak salbatzea. “Segurtasuna guztion ardura da, eta Irungo Udaletik lanean jarraituko dugu herritar guztien artean hiri gero eta seguruagoa eta errespetuzkoagoa lortzeko”.
Datozen hilabeteetan kontrol horiekin jarraitzeko asmoa adierazi dute, batez ere gehien errepikatu diren arrisku faktoretan arreta berezia jarrita. Lan ildo bati jarriki egingo dute, hain zuzen, herritarrekiko hurbiltasunaren, efikaziaren eta konpromisoaren aldeko lan ildoan.
