Jaietako kartela hilaren 15era arte bozka daiteke
Bost lan iritsi dira finalera eta Irunen erroldatuta daudenek hauta dezakete gustukoena.
Irunen jada alardeko doinuen entseguak entzuten dira eta horrek adierazi nahi du sanmartzialetarako prestaketa lanak hasi direla. Bide horretan, Irungo Udalak jaiak iragartzeko kartel lehiaketa zabaldu du eta Irunen erroldatuta daudenek Irun Txartela eta NA baliatuz parte har dezakete jada lehiaketan, hilaren 15era arte.
Guztira 34 lan aurkeztu dira lehiaketara eta batzorde artistiko batek bost finalistak hautatu ditu. Bi sari banatuko dira: nagusia eta accesita. Lehenengo sariaren irabazleak 1.200 euro irabaziko ditu eta accesita jasotzen duenak, berriz, 300 euro. PFEZaren atxikipena aplikatuko zaie sariei, indarreko legediak xedatzen duen moduan.
Bozka emateko, sartu orrialde honetan.
Izenburua: ‘Alarde, música, color y gente’.
Izenburua: ‘Disfrutatzen’.
Izenburua: ‘Zain’.
Izenburua: ‘Tradición minimalista’.
Izenburua: ‘Txapelak’.
