Zaisa Txingudi garaipenaren bila asteburuan
Plaiaundin jokatuko du Zaisa Txingudik Arratiko Zekorren kontra. Denboraldiko azken aurreko lehia izango da eta garaipena ezinbestekoa du.
Zaisa Txingudi garaipenaren bila aterako da asteburu honetan. Plaiaundin jokatuko du, larunbatean, 16:00etan, Arratiko Zekorren kontra. Denboraldiko azken aurreko lehia izango da, eta partidu erabakigarria izango da. Etxekoak azken aurrenak dira sailkapen orokorrean, eta bizkaitarrak (Arratiko Zekorrak) azkenak dira sailkapenean, puntu bakarrera.
Iñigo Camarerok eta Leire Muñozek zuzendutako taldeak “txukun” bukatu nahi du denboraldia, eta beraz, jardunaldia irabaztea ezinbestekoa dute.
Bestetik, 14 urte azpiko taldea Gipuzkoako txapelketako finalera sailkatzeko borrokan arituko da. Larunbatean, Donostiako Aiete zelaian arituko dira, Hernani/Atletico San Sebastian taldearen kontra. Partida 10:30ean hasiko da.
Txingudi/Orereta/Baztan taldeko errugbilariek abantailarekin irabazi zuten iragan asteko partida, 45-10. Beraz, guztia aldeko dute finalerako sailkapena eskuratzeko.
16 urte azpiko taldeko jokalariak ere zelaira irtengo dira larunbatean. Arrasaten jokatuko dute, bertako taldearen kontra, Hiruherri, 11:15etik aurrera.. Euskal ligako azken faseko partida izango da.
Azkenik, Txingudi/Orereta/Iruña 10 eta 12 urte azpiko taldeek Errenterian izango dute hitzordua. Gipuzkoako Federazioak antolatutako eskolen topaketan parte hartuko dute.
