Zabaldu dute Euskaraoke herrikoian izena emateko epea
Euskaraz dakiten herritarrek euskaraz aritzeko konpromisoa elkarrekin hartu dezaten antolatu dute Euskaraokea. Izena emateko azken eguna apirilaren 30a izango da.
Madalena Plaza euskararen arnasgune izango da maiatzaren 24an. Hondarribian euskaraz dakiten herritarrek euskaraz aritzeko konpromisoa elkarrekin hartu dezaten antolatu du Hondarribiko Euskaraldiak Euskaraokea. Maiatzaren 24an egingo dute, eta zortzi orduko iraupena izango du: arratsaldeko 16:00etan hasi eta goizeko 24:00ak arte.
Izen ematea atzo zabaldu zuten eta herriko kuadrillek, lagun taldeek edota nahi duten guztiek parte hartu ahal izango dute. Apuntatzeko azken eguna apirilaren 30a izango da.
Herritar guztiek elkarrekin euskararen aldeko konpromisoa hartzea da antolatzaileen helburua, “errazagoa baita euskararen alde lerrokatzea, ondokoa ere horretan ari dela sentituz gero”. Horregatik, Euskaraoke herrikoan parte hartzeak hurrengo konpromiso hauek dakartzala zehaztu dute:
- Euskara maitatzeaz gain, erabili egingo dugu. Euskara izango da Euskaraldiko egunetan erabiliko dugun hizkuntza eta Euskaraoke egunean, Madalena Plaza euskararen arnasgune izango da.
- 16 urtetik gorako partaideek Euskaraldiko Ahobizi edo Belarriprest txapa jarria eramango dute.
- 16 urtetik beherako partaideek, xaxatzaile txapa eramango dute.
- Partehartzaile guztiek ekimenerako egindako zapi berezia eramango dute.
Izena emateko behekaldean dagoen QRra sartu edota udal webgunean dagoen galdetegia bete behar da.
