Legutiora doa Santiagotarrak, euskal ontzi guztiekin lehiatzera
Aulki mugikorreko 65 kirolari arraun olinpikoan lehiatuko dira bihar Araban.
Arraun olinpikoaren eguna izango da biharkoa eta aulki mugikorreko euskal ontziak Legution (Araba) elkartuko dira 09:00etan. Denboraldi honetan lehen aldiz hartuko dute parte Santiagotarrak-eko arraunlariek arraun olinpikoan Gipuzkoarrak soilik ez diren ontziekin, orain arte Gipuzkoako Federazioaren egutegiari jarraiki aritu baitira.
Euskal kluben parte hartze handia espero du Irungo klubak eta guztira 400 kirolari baino gehiago elkartzea aurreikusten da, 150 ontzitan. Irundik 65 kirolari joango dira Arabako lakura, 28 ontzi uretaratzera.
