Krea Bidasoaren balorazio positiboa egin dute
Krea Bidasoaren 6. edizioan Adimen Artifiziala (AA) landu dute. Irun eta Hondarribiako udala eta Bidasoa Bizirik-ek jarduerak izan duen harrera arrakastatsua aurkeztu dute: 500 pertsona baino gehiagok parte hartu dute.
Krea Bidasoa, eskualdeko enpresa eta ekintzaileak saretzeko topagunea da. Atzo (hilaren 27) izan zen jardunaldia, Ficoban, eta 16. edizio honek Adimen Artifiziala (AA) izan du ardatz. Hainbat tailer, hitzaldi eta networking jarduera burutu zituzten, AA enpresa-eraldaketarako eta berrikuntzarako tresna gisa landuz. Cristina Laborda, Irungo alkateak; Nuria Alzagak, Bidasoa Bizirik-eko presidenteak eta Estitxu Urtizberea, Bidasoa Bizirik-eko presidenteordeak jardunaldiaren balorazio positiboa aurkeztu dute.
Aurten 500 pertsona baino gehiagok parte hartu dute, eta Labordak ondorioztatu duenez: “Krea Bidasoak tokiko empresa-ekosistemarentzat ezinbesteko hitzordua izaten jarraitzen du. Urtez urte ikusten dugu nola enpresek eta ekintzaileek inspirazioa, prestakuntza eta kontaktu funtsezkoak aurkitzen dituzten hemen. Ekitaldi honek etorkizuneko erronkei aurre egiteko aukera ematen digu”. Alzagak landutako gaiaren garrantzi nabarmendu nahi izan du: “Aurten AAren alde egin dugu aldaketa-motor gisa, eta erantzun bikaina izan dugu. Enpresak oso interesatuta daude teknologia hauek nola aplikatu jakiteko, lehiakortasuna eta iraunkortasuna hobetzeko, eta Bidasoa Aktibatutik ekimenak egiten jarraitu nahi dugu eraldaketa berri honetan laguntzeko”. Urtizbereak, berriz, ekimenaren formatu parte-hartzailea goraipatu du: “Krea Bidasoaren hiru ezaugarri nagusiak etorkizuna, gaitasun profesionalak eta sarea dira, bai enpresen artean eta bai administrazioarekin ere. Etorkizuna ikusten da LHIIko ikasleek garatzen ari diren negozio-ideietan eta unibertsitateko ikasleengan, baita hitzaldi eta tailerretan ere, merkatuaren joerak ezagutzeko aukera izan baitugu”.
Tailer eta hitzaldiek izan duten harrera bikainaz gain, networking-a izan da jardunaldiaren puntu nagusienetako bat: enpresek eta ekintzaileek elkar ezagutu, esperientziak partekatu eta sareak sortzeko aukera izan dute.
Ekitaldia amaitzeko, FIRST PICH aurkezpen saioa egin dute: eskualdeko 8 ekintzailek beren proiektua aurekztu dute 20 segunduko 20 diapositibaren bidez. Aurkeztutako proiektuak honakoak izan dira:
IKIGAI: Psikomotrizitate zentro inklusibo eta anitza, haur eta helduen garapen integralerako (NEREA SALVADOR)
GRAPETXEA: Ardo banatzailea, upategi txikien ardo ekologiko eta kalitatezkoetan espezializatua (CRISTINA ZAFRA NAVARRETE ETA SALAH EDDINE BENTALEB)
DEPERITA: Frutategia etxez etxeko zerbitzuarekin eta produktu izarra: CHOCOFRUTAS (Victor Ortega)
ARTKHAM CREATIONS: Artisautza, panpin eta peluxeen sorkuntza crochet teknikaren bidez (Eneko Sagarzazu)
AITOR ESPIE: Marrazketa eta esplorazio grafiko tailerra
MARIAM PARGA: Zirkularra iraunkortasunaren alde
SAGARREK: Sagardoarentzako sagar produkzio proiektua, euskal barietate ekologikoekin, eta sagasti-bisitak landa mundua hurbiltzeko
ANDREA MONSALVE – MONNET: Enpresa, ekintzaile eta negozioei online presentzia hobea ematen espezializatutako proiektua, eta irudi korporatiboaren diseinua (logotipoak, markak, material promozionalak)
