Endarako urtegira eta Elordiko araztegira bisita gidatuak antolatu ditu Txinzerrek
Uraren Munduko Egunaren harira antolatu ditu Txingudiko Zerbitzuakek bisita gidatuak, herritarrak bertako azpiegituretara gerturatzeaz gain, glaziarrek duten garrantzia ezagutarazteko.
Hilaren 22an izango da Uraren Munduko Eguna eta haren harira Txingudiko Zerbitzuakek Endarako urtegira eta Elordiko uraren araztegira bisita gidatuak antolatu ditu. Horien bidez, herritarrek, eskualdeko ur-horniduraren azpiegitura nagusiak gertutik ezagutzeko aukera izango dute.
Ez da honako bisita hau antolatzen duten lehen aldia. Aurreko edizioetan “arrakasta handia” izan dute, eta orokorrean plaza guztiak bete izan direla jakinarazi du Leire Zubiturrek, Txinzerreko lehendakariak.
Glaziarren kontserbazioa da bisitaren leloa; izan ere, helburua, glaziarrek duten garrantzia ezagutaraztea eta ekosistema horiek babesteko beharraren inguruan herritarrak kontzientzitzea da. Zubitur: “Gure eskualdeak glaziarrik ez badago ere ezinbestekoa da ‘pentsatu globalki, jardun tokian-tokian’ printzipioa barneratzea, eta ura eta energia modu jasangarrian kontsumitzea”.
Doako bisitak izango dira, euskaraz zein gaztelaniaz eta bost urduko iraupena izango dute (autobus bidaia barne). Gainera, jende gehiagorengana iristeko, bisitak bi taldetan banatuko dituzte: lehen taldeak Elordiko ETAPen hasiko du bisita eta bigarrenak Endarako urtegian.
Izen ematea zabalik daugo Txinzerren webgunean. 100 pertsonentzako tokia dago eta hurrenkeraren arabera esleituko dira.
