Adierazpen instituzionala publiko egin du Irungo Udalak
Emakumeen Egunaren atarian Beijingo adierazpeneko konpromisoak berretsi dituzte.
Irungo Udalak Emakumeen Egunaren harira plazaratutako adierazpen instituzionalean bat egin du 1995ean Beijingen egin zen Emakumeari buruzko IV. biltzarrean onartutako Beijingeko Adierazpenaren eta Ekintzarako Plataformaren 30. urteurrenaren ospakizunarekin. Akordio horiek mundu mailako bideorri bat martxan jarri zutela oroitu dute, genero berdintasunaren, neska eta emakume guztien ahalduntzearen eta heien giza eskubideen errespetuaren alde.
Hiru hamarkadetan “aurrerapen handiak” eman direla adierazi du udalak baina bilakaera “desorekatua” izan dela deitoratu dute. “Munduko herrialde bakar b atek ere ez du lortu emakumeen eta gizonen arteko genero berdintasuna”, mahai gaineratu dute. Dena den, berdintasun indizeei erreparatu die udalak eta uste dute agerikoa dela aurrerapena “nabarmena” izan dela berdintasun politiken araudi eta erakundeetako garapenak eta mugimendu feministaren “bultzada jarraituak bat egin” dutenean.
Udalak Beijingo adierazpenarekin ezarritako helburuak erdiesteko konpromiso eta borondatea berretsi ditu eta horretarako erronkek markatzen dituzten oztopoak gainditzeko beharrezko berdintasun politikak berretsi dituzte. Komunikatua osorik irakurtzeko joan ondoko lotura honetara.
