Inauterietako programa kontsulta daiteke jada
Martxoaren 1ean eta 2an egingo dira konpartsen desfileak. Inude, Artzainak eta Kaldereroak, berriz, hilaren 22an.
Inauterietako programa aurkeztu dute aste honetan. Hilaren 27an hasiko dira, eta beti bezala, konpartsen desfilea egingo dute (martxoak 1 eta 2) 15 konpartsetan banatuta, bai larunbatean eta baita igandean ere. Udalak herritarrei dei egin die mozorrotuta kalera irtetekoa, Inauteriez gozatzeko.
Asteburuko desfilearen aurretik, konpartsek beraien dantzen eta mozorroen aurkezpenak egingo dituzte Amaia KZn, hilaren 28an (ostirala). Hauek dira aurten parte hartuko duten konpartsak: Aurreratu Elkartea, Academia Danza Ainhoa, 22 Academy, Jazzarte Dantza Taldea, AMPA El Pilar, Trikuharri Elkartea Soziokulturala, Academia de Baile Carlos Zapirain, Santiagoko Deabruak, Pauso-K, Gazte Landetxa, AMPA San Juan Harri Irungo La
Salle, AMPA San Vicente de Paul, My Dance Studio, Amaiur Bandres eta Los Tranquilos.
Kaldereroak, eta Inudeak eta Artzainak
Inauterien aurrekari gisa, Kaldereroen Konpartsa hiriko kaleetan barrena ibiliko da datorren larunbatean, hilak 22, 19:00etan. Alberto Anguera plazatik irtengo dira.
Jaiak jarraipena izango du hurrengo egunean, hilak 23, igandea, goizeko 08:30ean diana berezia eskainiko baitu Irungo Txistulari Taldeak, Inauterietako doinuak joz.
Dianaren ondoren Inudeen eta Artzainen desfilea hasiko da. Santiago kaletik irtengo dira 12:00etan eta, hiriko erdiguneko kaleetan barrena ibili ondoren, Luis Mariano kalean bukatuko dute. Programazio guztia Irungo Udalaren orrialdean kontsulta daiteke.
