Krisi klimatikoari buruz eztabaidatuko dute gazteek
Hilaren 15etik 22ra bitartean antolatu ditu Irungo Udalak eztabaida saioak. 16 urtetik 30 urte arteko gazteek parte hartzen ahalko dute.
Irungo Udaleko Gazteria arloak GazteARTEan bekaren baitan krisi klimatikoari buruzko eztabaidak antolatu ditu. Hilaren 15ean hasi eta 22an bukatuko dira eztabaidak, eta 16 urtetik 30 urte arteko gazteek hartu dezakete parte, Martindozenea Gaztelekuan.
Eztabaida saioetan gazteek “klimaren arloan dituzten eskaerak, beharrak eta kezkak” plazaratuko dituzte, eta erabakiguneetan duten rola aztertuko dute.
Iazko edizioko garaileak Euskal Herriko Unibertsitateko Nazioarteko Garapena eta Lakidetza Masterreko ikasle diren Paula Adriana Martinez Bernal eta Constantino Lucas-Baquero Coronado izan ziren. Ekoeskola Irun lanak irabazi zuen “ekintza klimatikoari eta herritarren parte-hartzeari buruz” aztertzeagatik. Lantaldekoek kontsulta-prozesu bidez Irungo gazteek jasangarritasunari buruz dituzten iritzi, behar eta eskaerak jaso nahi izan dituzte, baita “ezagutza eta eraldaketa ekosozialerako ideiak sustatu eta zabaldu” ere.
Interneten eman dezakete izena parte hartu nahi duten gazteek.
