Minbizia, emakumeen ahotsean
Minbiziaren Mundu Egunean, otsailaren 4an alegia, 'Hitz egin dezagun minbiziaz emakumeen artean' solasaldia izango da Emakumeen Etxean.
Hitz dezagun minbiziaz emakumeen artean izenburuko hitzaldia jasoko du Irungo Emakumeen Etxeak otsailaren 4an (asteartea) 10:00etatik 12:00etara. Prebentzioaz eta zainketa prozesuaz hitz egingo dute hiru adituk: Andrea De Miguel Espinaco prebentzioko psikologo teknikariak; Oihana Palacin Fuente gizarte langileak; eta Lara Franco Nieto psiko-onkologoak. Gaztelaniaz izango da solasaldia.
Irungo Udaleko Berdintasun eta LGTBIQ+ Eskubideen arloak antolatu du topagunea, Minbiziaren Mundu Egunaren harira (otsailaren 4an da). Genero ikuspegitik, emakumeen ikuskeratik alegia, prebentzioaz eta prozesu onkologikoaren inpaktuaz hitz egingo dute adituek. Hartara emakumeen baldintzatzaile berezien berri emango ditu hiru hizlariek, eta zuzeneko eta zeharkako bizipenak partekatuko dituzte: teoria eta praktika, babes emozionala, eta eguneroko tresnen definizioa tarteko.
