Bidasoko eskaintza berrienak aurkeztu dituzte Fiturren
Turismoaren "desestazionalizazioarekiko eta jasangarritasunarekiko" konpromisoa berretsi du Bidasoa Bizirikek.
Hilaren 22an hasi zen Fitur, Nazioarteko Turismo Azoka, eta 26ra arte milaka politikari, enpresari eta bisitari jasoko ditu. Hondarribiko zein Irungo ordezkariak ere bertan izan dira eskualdeko turismo eskaintza berrienak aurkezten eta turismoaren “desestazionalizazioarekiko eta jasangarritasunarekiko” konpromisoa berretsi dute bertan.
Irungo ordezkari gisa bertaratu da Cristina Laborda Irungo alkatea. Oiassoko Bainuetxeak aurkeztu ditu bertan. Une honetan berreskuratze lanetan dabiltza buru belarri eta haiei esker “bertakoek zein bisitariek Oiassoko bizitza nolakoa zen deskubritu ahal izango dute”. Labordak aurreratu duenez 2025ko udaberritik aurrera izango dira zabalik.
Hondarribiko ordezkariak, berriz, Igor Enparan Hondarribiko alkatea eta Estitxu Urtizberea Bidasoa Biziriken lehendakari ordea izan dira. Erdi Aroko Hiri eta Hiribilduen sarearen bilera izan dute Madrilen. Bilera Enparanek berak zuzendu du.
Orain artean, 7 udalerrik osatzen zuten sarea, 2025etik aurrera ordea 8 izango dira: Valencia de Alcantara (Caceres) gehitu zaie sarera. Hortaz gain, aurton landuko diren proiektuak onartu dituzte: XVII. Pintxo eta Tapa Erdi Arokoen Nazioarteko Lehiaketa, FotoRed-en V. edizioa eta Bidaiari sarearen III. edizioa, besteak beste.
