Yoga saioak 4 eta 11 urte bitartekoentzat
Kateako Haurtxokoan yogan hasteko saio bat egingo dute haurrak dituzten familientzat. Doakoa da eta izena eman daiteke udalaren orrialdean.
Familia ta Lagun programaren laugarren saioak Yoga probatu eta arnas dezagun leloa izango du, eta 4 eta 11 urte tarteko haurrek eta gurasoek yoga esperimentatzeko aukera izango dute. Programa honen xedea aisialdi denboraz gozatzeko espazioa sortzea da eta horretara egin dituzte dei haurrak dituzten familiak.
Saio honetan, yogen eta mandalen bitartez ongizate eta konexio emozionala sustatuko dute, erlaxazioa landu eta sormena garatu. Kateako Haurtxokoan izango da (Araba kalea, 46) hilaren 25ean, 10:30etatik 12:30etara. Plaza mugatuak dituen doako jarduera da eta hilaren 22a baino lehen eman behar da izena.
