Irungo eskultura berria aurkeztu dute
"Irun" dioen eskultura bat instalatu du Udalak hiriko erdigunean, kanpoko bisitarientzat elementu erakargarria izango delakoan.
Cristina Laborda alkatea eta Nuria Alzaga Hiri Bultzadako ordezkaria, eskulturaren ondoan “Irun” dioen eskultura bat instalatu dute Almudena Grandes plazatxoaren ondoan, hirira turistak eta bisitariak erakartzeko. Jenaro Etxeandia plazan izan dira gaur goizean Cristina Laborda alkatea eta Nuria Alzaga Hiri Bultzadako ordezkaria, aurkezpenerako.
Alkateak adierazi duenez, eskultura “kanpotik datozen bisitarientzat elementu erakargarria da, argazkia egin eta hiriko oroigarri bat etxera eramateko” aproposa baita. Ildo horri jarraiki, “Gure hiriaren izena Irundik kanpo zabaltzeko beste bide bat da, eta horregatik esaten dugu Irundik mundu osora goazela”, azpimarratu du.
Guztira 12.500 euroko kostua izan du, BEZik gabe.
Proiektua «Irun-Oiasso Erromatar Hiria» helmugako jasangarritasun turistikoko planaren esparruan egin da, Europar Batasunaren NextGenerationEU funtsen bidez finantzatutako Suspertze, Eraldatze eta Erresilientzia Planaren barruan.
