Garaipenak Biok Txingudi eta Zaisa Txingudirentzat
Seniorren bi taldeek kanpoan jokatu eta garaipena ekarri dute etxera; gazteenek ere irabazi egin dute.
Garaipenaren asteburua izan da Txingudi Errugbiko senior taldeentzat. Biok Txingudikoak Getxon izan dira eta 5 eta 8 irabazi zioten Neskak Loratzen taldeari; Zaisa Txingudikoak berriz Arratiako Zekorren zelaira joan ziren Igorrera eta 15 eta 17ko emaitzarekin lortu zuten garaipena.
Biok Txingudik entsegu bati esker lortu zuen aurrea hartzea, baina aurkariek azkar batean lortu zuten markagailuan berdinketa. Bigarren zatian, aldiz, Plaiaundikoena izan zen baloia baina entsegua faltan izan zuten. Ondoren, zigor kolpe baten ondorioz lortu zuten garaipena, obala hagen artean pasatzea lortu baizuten, 5 eta 8ko bukaerarekin.
Hasierako hamabostekoan, Lucia Duran, Alazne Macicior, Maddalen Alberdi, Zumendi Caro, Lupe Pescador, Lohitzun Aia, Garazi Santos, Lea Etxebarrieta (kapitaina), Leire Muñoz, Alba Saiz, Ane Novo, Paola Vega, Uxune Aranburu, Irati Beraiz eta Jessica Gomezek osatu dute. Gaxi Famosok ere jokatu zuen.
Zaisa Txingudi, aldiz, atzetik joan da Arratiko Zekorren aurkako norgehiagokan. Defentsan gogor aritu baziren ere, erasoan anbizioa falta izan zaiela aitortu du taldeak, eta atsedenaldirako 15 eta 5 irakur zitekeen markagailuan.
Bigarren zatian, Igorrekoen fisikoak behera egin, eta Txingudik ordezkoak zelairatu zituen. Erasoan intentsitatea defentsa lerroa hausteko nahikoa igo dute eta plakaketak gogor mantendu dituzte Arratikoen erasoak gelditzeko. Honela, entsegu-eremua bitan zeharkatzea lortu dute amaierako 15 eta 17koa lortzeko.
Aitor Asurmendi, Xabi Sanchez, Aritz Rodriguez, Jon Mediavilla, Hodei Guerrero, Imanol Rodriguez, Julen Iglesias, Hector Pescador, Ioritz Franco, Carlos Lora (kapitaina), Pablo Besga, Mikel Genua, Ekain Hiribarren, Odin Gutierrez eta Lutxo Etxebarria izan dira hasierako hamabostekoan. Joao Costa, Jon Sanchez, Jeno Kocsis eta Odei Alonsok ere jokatu dute.
Gazteek, bi garaipen porrot bat
Txingudi/Baztan/Orereta 14 urtez azpiko taldeak irabazi egin zuen etxeko zelaian 43 eta 5 markagailuan. Garaipena ere Txingudi/Baztanen 16 urte azpiko taldearentzat. Markagailua irauli behar izan zuten 31 eta 45 bukatu ahal izateko. Aldiz, Gabiria Txingudi/Bera Bera/Baztan 18 urtez azpiko taldeak izan ditu puntuak Plaiaundira ekarri eta 31-22 galdu du Riojaren aurka.
