Atzeratu egin dute Rodrigo Cuevasen biharko kontzertua
Osasun arrazoiak medio, emanaldia atzeratu eta 2025eko otsailaren 15ean egingo da. Sarreren itzulpena eska daiteke jada.
Bihar eskaini behar zuen Rodrigo Cuevas artista asturiarrak bere emanaldia Amaia KZn, baina osasun arrazoiengatik bertan behera utzi behar izan dute. Hala ere, hurrengo urteko otsailaren 15ean egingo dela aurreratu dute, 20:00etan ere.
Sarreren itzulpena hiru modutan egin ahalko da. Internet bidez erosi dutenei automatikoki egingo zaie ordainketa, eta mezu bat jasoko dute itzulpenaz ohartaraziz. Aldiz, eskudirutan ordaindu dutenek HAZ bidez eskaera egin beharko dute, erositako sarrerak erakutsiz eta kontu korrontearen zenbakia adieraziz.
Azkenik, txartelarekin edo Bizum bidez erosketa egin dutenei ere automatikoki egingo zaie ordainketaren itzulpena. Horiei ere mezu baten bidez abisatuko zaie itzulpena egin zaiela.
