Zebrak arropa lerro berri bat, Erraldoi eta Buruhandien Konpartsan oinarrituta
Bihartik aurrera egongo da salgai arropa lerro berri hau. Helduentzako eta haurrentzako arropak diseinatu dituzte.
Irungo Atsegiñaren Erraldoi eta Buruhandien Konpartsan inspiratu da Zebra Irungo arropa denda, eta arropa lerro berri bat estreinatuko dute bihar. Fermin Calbeton kaleko dendan egongo dira arropak salgai.
Helduentzako bi kamiseta eta haurrentzako modelo bat sortu dituzte. Horrez gain, oihalezko poltsak ere diseinatu dituzte, motibo esklusiboekin apainduak; katilu pertsonalizatuak ere eros daitezke.
Zebra arropa dendak adierazi du Irungo Atsegiñaren Erraldoi eta Buruhandiak “hiriko ikur kultural bizia” direla eta helburua pertsonai horiek herritarrei hurbiltzea izan du Jesus Rubio Pilarte Irungo Atsegiña elkarteko presidentea. “Erraldoiak irundarren eguneroko bizitzan egotea nahi dugu, eta guztiontzat harro egoteko arrazoi izatea”.
Adiran Crowley, Zebra Allaboardeseko ordezkariak “hunkituta” dagoela adierazi du, “elkarte enblematiko batekin” elkarlanean aritu direlako. “Etorkizuneko lankidetza askoren artean lehenengoa izatea espero dugu” zehaztu du Crowleyk.
