Herri kiroletan murgilduko dira Hondarribiko talde olinpikoak
Larunbat honetan ekingo diote bigarren jardunaldiari. Puntala auzoan izango da arratsaldeko 16:30etatik 19:00ak arte.
2023ko abenduan 18an ere herri kirolak egin zituzten. Azaroaren 30ean Euskara probarekin eman zioten hasiera 2023an hasitako Herri Olinpiaden hirugarren urteari. Talde argazkiak egin ondoren euskararekin zerikusia zuten probetan murgildu ziren parte hartzaileak.
Larunbat honetan ekingo diote bigarren jardunaldiari. Puntala auzoan izango da arratsaldeko 16:30etatik 19:00ak arte.
Herri kirolen txanda izango da oraingoan. Partaideek taldeka sei proba ezberdin burutu beharko dituzte. Kokalekuak, berriz, honakoak izango dira: futbol zelaia, Markos Deunaren plaza, Urdin jatetxeko iturria, Pierre Loti plazatxoa, Urdin jatetxearen ondoko bidegorria eta Markos Deuna plazaren atzeko palmeren pasealekua.
19:00ean, probak bukatzerakoan musikaz lagunduta joango dira herrira eta 22:30ak arte izango dira Arrantzaleen auzoko plazatxoan.
Herri kirolak Hondarribian
Lehenengo jardunaldian bezala, Komite Olinpikoak bertako historia gogorarazteko baliatu dute aukera.
Herri kirolak Euskal Herriko industrializazioa baino lehenagoko ogibideetan oinarritzen dira. Ogibide horiek kirol bihurtzen joan ziren gutxinaka: abeltzaintzan, nekazaritzan, merkataritzan, arrantzan edota artisautzan oinarritutako jarduerak ziren. Egun. herri kirolak hemezortzi kirolez osatzen dira.
Hemezortzi horietako bat dira idi probak. Hondarribiko baserri ezberdinetako baserritarrak proba horietara aurkezten diren arren, Jaitzubia auzoko Igone Pagadizabalek aurten irabazitako txapelak nabarmendu dituzte komitekoek. Hondarribian irailaren 11ro gauzatzen da idi proben jardunaldi bat.
Pagadizabalez gain, beste hainbat Hondarribiar ere fin aritutakoak dira hainbat probatan. Esaterako, Joxe Luis Sagarzazu soka tiran ibilia, Mikel Duinat aizkolaria edota Jaitzubiako harri zulatzaileen taldea. Azken horiek hainbat txapel irabazi dituzte.
