Eguberrietan ateak irekita Oiasso Museoan
Musika, antzerkia, dantza eta bestelako erakusketak ikusteko aukera egongo da Oiasson.
Oiasso Museoak Eguberrietako programazioaren berri eman du. Musika, dantza eta erakusketak dira proposamen nagusiak. Programazioa osorik, ondoko estekan.
- Hilak 18, asteazkena: Irungo Udal Musika eta Dantza Eskolako eta Kontserbatorioko ikasleek Oiasso Museoan aurten eskainiko duten azken kontzertua egingo dute. Belen Sierra irakasleak eta piano jotzaileak lagunduko die. Doako sarrera.
- Hilak 20: Patxi Perezek zuzendutako museoko antzerki taldeak Bona Dea irakurketa dramatizatua eskainiko du. Joan den Dies Oiassonis jaialdian estreinatutako antzerki ikuskizuna da. Sarrera librea da.
- Sinopsia: Bona Dea, Jainkosa Ona, familiaren etxearen eta emakumeen jainko babeslea zen; haien gurtza sekretua zen, eta gizonek debekatuta zuten erritualetara joatea. Baina 62. g.a.a urtean. Publio Clodiok arauak hautsi zituen eta iskanbila handia sortu zuen.
