Asanblada irekia deitu du Bidasoko Gazte Langileon Asanbladak
Bidasoko hirugarren gaztetxea izango da Eguzkitza kalekoa. Espazioaren etorkizunaz aritzeko lehen asanblada irekia egingo dute igandean, 18:00etan.
Eguzkitza kaleko lokal bat birjabetu du Bidasoko Gazte Langileon Asanbladak (BGLA), udaratik “eskualdean gaztetxe bat” lortzeko lanean egon ondoren. Bidasoko hirugarren gaztetxea izango da, dagoeneko Lakaxita eta Enbata gaztetxeak baitaude Irunen eta Hendaian, hurrenez hurren.
BGLAk adierazi du instituzioen bidez ez dutela gaztetxerik lortu, eta beraz, haien kabuz espazio bat lortzea erabaki dute. Aisialdirako, kirola egiteko, arteaz disfrutatzeko, kultur jardueretarako eta gazteak saretu eta antolatzeko Moskuko espazio berri gisa definitu dute.
Lehenengo asanblada irekia deitu dute igande honetarako, 18:00etan. Bilkura honetan espazioaren etorkizunaz arituko dira. Hurbiltzera, espazioa ezagutzera eta parte hartzera dei egin dute.
https://x.com/Bidasoko_gla/status/1866889757869109376
