'Baloreak' liburuaren erakusketa, CBA liburutegian
Atzotik urtarrilaren 7ra bitarte egongo da ikusgai erakusketa. Nerea Kortabitarteren lana da, beste hamabi ilustratzailerekin eta Noelia Lorenzorekin batera egindakoa.
Nerea Kortabitarte idazlearen Baloreak liburuaren isla eginez, erakusketa bat jarri dute CBA udal liburutegian. Atzo ireki zuten eta 2025eko urtarrilaren 7ra bitartean bisita daiteke. Liburutegiaren ordutegia, astelehenetik ostiralera 09:00etatik 20:00etara, eta larunbatetan 09:00etatik 13:00etara.
Erakusketa honetan Kortabitarteren hitzak jasotzeaz gain, hamabi emakume ilustratzaileren lana ikus daiteke: Ane Garmendia, Jone Taberna, Julia Lasa, June Martin, Maialen Arozena, Maore Sagarzazu, Nerea Bermejo, Naiara Goikoetxea, Noelia Sierra, Patri Taberna, Sare Eseri eta Zuriñe Uriarte. Hitzaurrea, berriz, Noelia Lorenzok sinatu du.
