Asteburu emankorra eskualdeko xakelarientzat
Marlaxka Xake klubeko eta Salto Bidasoa Xake Klubeko xakelariek Gipuzkoako Banakako Txapelketan parte hartu dute asteburuan. Parte hartzaile guztiek oso txapelketa txukunak burutu zituzten.
Gipuzkoako Banakako Txapelketak jokatu dira asteburu honetan eta Marlaxka Xake klubeko eta Salto Bidasoa Xake Klubeko xakelariak bertan izan dira. Parte hartzaile guztiek oso txapelketa txukunak burutu zituzten.
Marlaxka Xake Klubeko xakelariei dagokienez, Jurgi Diaz lehenen mailan lehiatu zen eta hirugarren postua lortu zuen, preferenterako igoera suposatzen duena. Gorka Tafall bigarren mailako txapeldun izendatu zuten eta lehenengo mailara igoera lortu zuen. Juan Antonio Guerrerok hirugarren mailako txapelketan bigarren postua lortu zuen, bigarren mailarako igoera lortuaz. Eta azkenik, Patxi Morenok Gipuzkoako txapelketa absolutua irabazi zuen.
Salto Bidasoa Xake Klubeko ordezkariei dagokienez Ibon Muñoz lehen mailako txapeldun izendatu zuten eta preferenterako igoera zuzena lortu zuen. Jon Vernier kadete mailan txapeldun eta bigarren mailako txapeldunorde sailkatu zen eta kategoria berean, kadeten mailan, Siena Ibarra txapeldunordea izan zen. Adur Muñoz hirugarren mailako txapeldun izendatu zuten eta horrek bigarren mailarako igoera zuzena eman zion. Azkenik, Andoni Orubek super beteranoen mailan hirugarren postua lortu zuen.
