Renfe eta autobusen leihatila, Txanaleta plazara
Urtebetez, Txanaleta plazan erosi beharko dira autobusetarako eta trenerako tiketak. Tren eta autobus geltokiaren obren eraginagatik da lekualdaketa.
Tren eta autobus geltoki berriaren eraikuntza lanengatik, behin behineko geltokia Txanaleta plazan dago. Dena den, autobusetarako eta trenetarako tiketak erostera Geltoki kalera joan behar zen eta udalak jakinarazi du abenduaren 1etik aurrera Txanaleta plazan erosi ahalko direla.
Behin behineko leku aldaketa izango dela aurreratu dute. Zehazki, 2026ko abendura bitarte egongo da leihatila plaza honetan. Renferen eta autobus enpresa desberdinen tiketak erosi ahalko dira bertan.
