Bidasoa Irunek bi puntu poltsikoratu ditu
Penitude ligako bosgarren postuan kokatu dira bidasoarrak. Hurrengo partida EHF European Leagueko bosgarren jardunaldia izango da, KGHM Chrobry Glogowren kontra.
Impulse BM Guadalajararen kontra aritu zen Bidasoa Irun, eta hamar puntuko aldearekin (37-27) garaipena eskuratu ondoren bi puntu berri poltsikoratu ditu. Hala, 11 punturekin Penitude ligako bosgarren postuan kokatu dira.
Garaipen garrantzitsua izan zen atzokoa; izan ere, datorren partidarako, EHF European Leagueko bosgarren jardunaldirako, “konfiantza” handia jaso dute jokalariek. Hilaren 19an jokatuko dute Bidasoarrek KGHM Chrobry Glogowren kontra, arratsaldeko 20:45ean. Artalekuko hurrengo partida, ordea, ez da hilaren 26ra arte izango. Ystads IF HF taldea jasoko dute etxean. Europako abonatuek, gainera, promozio berezia dute. Ikus informazioa.
Atzoko partidak kutsu solidarioa izan zuen. Valentzian kaltetutakoei laguntzeko bi ekintza abiatu zituen CD Bidasoak: Batetik atsedenaldian ohikoa izaten den zozketatik bildutako dirua Valentziara bidaliko dute, eta bestetik, lehen taldeko jokalarien kamisetak enkantean salduko dituzte. Informazio guztia hemen.
“Halako
