Collage munduan murgiltzeko masterclassa eskainiko du Ainize Txopiteak
Hilaren 30ean izango da masterclassa, Marrazketa eta Pintura Udal Akademiaren egoitzan. Aldez aurretik izena ematea beharrezkoa da.
Irungo Kultura Arloak jakinarazi duenez hilaren 30ean masterclass bat eskainiko du Ainize Txopitea artistak. Marrazketa eta Pintura Udal Akademiak eskaintzen dituen saioen baitan izango da tailerra, 10:00etatik 14:00etara Reina Fabiola kaleko 28. zenbakian.
Txopiteak bere lana erakutsiko du eta parte hartzaileek ikasitakoa praktikan jartzeko aukera izango dute: Collageak sortzen ikasiko dute, alegia. Donostiarraren sorkuntzek hizkuntza, irudia eta poesia integratzen dituen ildo estetiko bat jarraitzen dute, “naturaren eta gizakiaren artean konexio bat sortu nahian”.
Masterclassean izena emateko epea datorren hilaren 18an zabaldu eta hilaren 27an itxiko dute, (eman izena hemen). Tailerrak 21,6 euro balio ditu. Taldea ateratzeko gutxienez bost pertsona beharko dira, eta gehienez hamabost lagunek parte hartu ahal izango dute eta ez da aldez aurretiko ezagutzarik izan behar.
