Higer Festa egingo dute ostiralean Olagarro elkartean
Txol, Etxara eta Xabatu garagardoez gain, berriki sortu duten Xabatu II Doble Ipa dastatzeko aukera ere izango da.
Higer Festa garagardo festa egingo dute ostiralean –hilak 15– Olagarro kultur elkartean. Arratsaldeko zazpietan irekiko dituzte ateak, eta sarrera bi euro ordaindu beharko da (jasotako dirua elkartearentzat izango da).
Antolatzaileek azaldu dutenez, gainera, hainbat garagardo sorta zozkatuko dituzte bertaratzen direnen artean. Hots, janaria ere egongo dela adierazi dute.
Halaber, berriki egin duten Xabatu II Doble Ipa izango da garagardo festako berritasunetako bat. Gainontzean, Txol, Etxara eta Xabatu edariak dastatzeko aukera izango da garagardo festan.
