Behobia-Donostia

Txalo eta oihuen erritmora hasi dute Behobia-Donostia

Irribarre zabalarekin hasi dute erronka lasterkari asko eta askok eta ez da gutxiagorako. Behobia-Donostia lasterketa ikuslegoaren berotasunagatik da nagusi, eta gaurkoan ere ez dute hutsik egin.

Ane Mendizabal Sarriegi

Irun

2024/11/10

Goizeko 09:30ean abiatu da 2024ko Behobia-Donostia lasterketa. Handbike-ak eta gurpildun aulkiak izan dira lehenak irteera gurutzatzen. Bost minutura irten dira rollerrak eta ziztu bizian gurutzatu dute Irungo erdigunea Donostiara bidean. Korrikalarien txanda 10:00ean heldu da eta irribarre zabalarekin hasi dute erronka lasterkari askok eta askok, eta ez da gutxiagorako. Behobia-Donostia lasterketa ikuslegoaren berotasunagatik da nagusi, eta gaurkoan ere ez dute hutsik egin; Bidasoaldeko bizilagunen txalo eta oihuekin hegan egin dute lasterkariek. Irun erdigunea batez ere jendez gainezka zegoen eta Kolon pasealekuan izan dute lehen ur tragoxka edateko puntua. Musika ere entzun zitekeen ibilbideko zenbait puntutan eta nahi zuenek marrubi handi bati besarkadak eska ziezaioketen.

Ikus lasterkariak Irundik igaro direneko zenbait argazki:

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.