Kulturarteko astean murgilduta dago Larreaundi
'Arrazistak al gara?' hitzaldia eskainiko du gaur Cesar Zuñigak auzo elkartean, 19:00etan. Hurrengo astean jarraituko dute programazioarekin.
Arrazismoaren aurka komunitatea osatzeko aburuz Kulturarteko astea antolatu du Larreaundi-Olaberria auzo elkarteak. Herenegun ekin zioten programazioari sukaldaritza tailerrekin eta gaur segida emango diote.
Cesar Zuñiga gerturatuko da auzo elkartera bertara (Iñigo de Loiola, 9) eta Arrazistak al gara? hitzaldia eskainiko du. Sarrera doakoa da edukiera bete arte eta 19:00etan ekingo diote.
Asteburuan atsedenaldia egingo dute eta hilaren 11n berrartuko dute egitaraua. Hala, Migrantas erakusketa ikusgai egongo da Helduen Heziketa Ikastetxean (Olaberria, 8). Bestalde, kaxoi flamenkoa jotzen ikasteko tailerra eskainiko dute auzo elkartean hilaren 14an, osteguna, 19:00etan. Bertaratzeko izena eman behar da honako lotura honen bidez.
