Udaltzaingoaren "zerbitzua hobetzeko", baliabide berriak
Larrialdi gela bat sortu dute eta lau motozikleta elektriko erosi. Bestalde, atxilotu-erresinak jasotzeko gela eraikitzen ari dira.
Irungo Udaltzaingoaren komisariara gerturatu da Sergio Javier Herritarren Segurtasun eta Bizikidetzarako ordezkaria. Izan ere, Segurtasun eta Bizikidetzarako Itunean hala adostuta bitarteko berriak eman dizkio udalak Udaltzaingoari. Aurrekontu parte hartzaileetan egindako eskariari erantzungo diote horrela.
Era horretan, Udaltzaingoak hirian ematen duen “zerbitzua hobetu” egingo da. Hala, nobedade nabarmenenak dira polizia etxean larrialdi gela bat sortzea eta lau motozikleta elektriko erostea, zaharrak ordezteko eta ibilgailu kopurua handitzeko. Bestalde, atxilotu-erresinak jasotzeko gela bat eraikitzen ari direla aurreratu du Javierrek.
