Matrikulazioak gora, udal kontserbatorio eta musika eskolan
2024 eta 2025 ikasturtearen aurkezpena egin dute gaur eta 546 lagun daude matrikulatuta Musika eta Dantza Eskolan, eta 82 Udal Kontserbatorioan.
Ikasturte berrian bete-betean sartuta dabiltza Irungo Udal Kontserbatorio eta Musika Eskolan eta bertan jaso daitezkeen eskolen gaineko aurkezpena egiteko probestu dute gaurko eguna Jon Ugarte Hezkuntza ordezkariak eta Amaya Lizeaga eskolako zuzendariak.
Aurtengo ikasturteari begira dagoeneko matrikulazioak gora egin duela nabarmendu dute biek. Hala, Musika eta Dantza Eskolan 546 ikasle daude eta Kontserbatorioan 82 ikasle. Horietatik 124 ikasle abesbatzetan daude, hiru orkestratan, bi bandatan eta musika talde ezberdinetan bereizita.
Musika instrumenturen bat ikasten hasi edota berriro ikasteari ekin nahi dionei begira ere jarri dira eta honako instrumentu hauek ikas daitezkeela gogoratu dute: pianoa, akordeoia, gitarra klasikoa eta elektrikoa, biolina, biola, biolontxeloa, kontrabaxua, flauta, klarinetea, saxofoia, oboea, fagota, txistua, tronpeta, tronboia, tuba, perkusioa eta bateria.
Azkenik, eskolaren kanpoan eskainiko dituzten emanaldien egutegia partekatu dute:
- Hilak 17, 18 eta 19: dantza barroko ikastaroa, Ludovica Mocaren eskutik.
- Hilak 25: ipuin musikatua, 4 eta 7 urte bitarteko ikasleentzat.
- Hilak 25: harizko musika-tresnen entzunaldia (entzunaretoan).
- Hilak 26: Irrisarrira irteera eskolako ikasleekin eta kontzertua 16:30etan.
- Azaroak 2: errepertorioko entzunaldia (entzunaretoan).
- Azaroak 15: zurezko haize-instrumentuen entzunaldia (zentroan).
- Azaroak 15: masterclassak eta kontzertua Jessica Reis akordeoilariaren eskutik.
- Azaroak 15 eta 16: trukea Santanderreko orkestra eta kontserbatorioarekin.
- Azaroak 21: Santa Zezilia eguneko kontzertua (entzunaretoan).
- Azaroak 25, 26 eta 27: errepertorioko entzunaldiak (entzunaretoan).
- Azaroak 29: piano-entzunaldia (entzunaretoan).
- Azaroak 29: akordeoi-entzunaldia (entzunaretoan).
- Abenduak 4: Eguberrietako argiak piztea.
- Abenduak 4: entzunaldia Oiasso museoan.
- Abenduak 12: kontzertua Amaia KZn Atzokoak abesbatzarekin.
- Abenduak 16: harizko musika-tresnen entzunaldia (entzunaretoan).
- Abenduak 19: kontzertua Amaia KZn eskolako abesbatzekin eta akordeoi-
orkestrarekin. - Abenduak 20: pop-rock tailerraren entzunaldia (entzunaretoan).
