Antzerkia, dantza eta musika Gain Gainean parkean
Kultura Auzoetan dinamika Elitxu eta Larreaundi arteko Gain Gainean parkera iritsiko da larunbat honetan, urriak 5.
Kultura auzoetan dinamika Larreaundi eta Elitxu barruti eta auzoetara iritsiko da larunbat honetan, hilak 5ean. Gain Gainean parkean gauzatuko dute elkarlanean ondu duten programazioa. Eguraldi kaskarrarekin Eguzkitzako eskolako aterpera joango dira.
Parkera joan aurretik, Elitxuko auzo elkartean IGA abesbatzak kontzertua eskainiko du. Ondoren, Gain Gainean parkean hasiko da festa. Hala, Ametsa Txiki abesbatza igoko da taulara 18:15ean. Gero, Pauso-K dantza konpainiak dantzatuko du, eta ondoren, Patata Tropikala antzerkiaren txanda izango da. Azkenik, Selektah Stepik itxiko du eguna, musika emanaldiarekin.
