Kolonbiako akordio humanitarioari buruzko hitzaldia eta dokumentala, Kabigorrin
Urriaren 3an 'Akordio humanitarioa ya!' dokumentala eskainiko dute, eta ondoren, hitzaldia eskainiko dute Juan Santoyo zuzendariak eta Manoli Etxeberria komite internazionalistako kideak.
Kolonbiako Buenaventura ibai-arroetan familiei eragiten dien giza eskubideen urraketa sistematikoari buruzko Akordio Humanitarioa Ya! dokumentala proiektatuko dute Kabigorrin urriaren 3an, 19:30ean. Gero, dokumentalaren zuzendari Juan Santoyok eta Manoli Etxeberria komite internazionalistako kideak hitzaldia eskainiko dute.
Gatazkarekin bukatzeko, Akordio humanitarioa ya! dei “urgentea” egiten die komunitatea afrokolonbiarrak aktore armatuei eta Kolonbiako Estatuari. Bertan, legezko eta legez kanpoko talde armatuak daude eremua kontrolatzen eta herritar zibilen bizia arriskuan jartzen du horrek.
Bizitza bere “forma guztietan” mehatxatzen duen sistema dela salatu dute eta egiturazko arazoak azaleratzen dituela gaineratu. Aldi berean, erresistentziak eta komunitateen auto babeserako estrategiak nabarmentzen ditu mehatxuak, “babestu eta entzutea merezi duten bake ekimenak ordezkatzen dituelako” zehaztu dute.
Dokumentala landako eta hiriko Buenaventuran du kokapena eta bertakoen lurraldeak utzi dituzten komunitateen eta bertan irauten dutenen historia kontatuko dute. Gainera, erkidego horien eragina babestu nahi du, Komunitate Beltzen Prozesuarekin (PCN) batera, ekimen propioetan antolatuta baitaude, eta talde armatuekiko bake-mahaietan egotea eskatzen baitute.
