Patata tortilla lehiaketa egingo dute larunbatean
Zubia gizarteratzeko zentroak jasoko du lehiaketa, 11:00etatik aurrera. Izena emateko azken eguna hilaren 25a da.
Larunbatean (hilak 28) patata tortilla lehiaketa bat egingo da Zubia gizarteratzeko zentroan, 11:00etan. Antolatzaileek jakinarazi dute tortilla prestatzeko osagaiak, hau da, olioa, patatak, arrautzak, gatza eta tipula Zubia zentroak emango dituela. Tortillak prestatzeko tresnak, suak eta zartaginak, aldiz, parte hartzaileek eraman beharko dituzte. Patata tortilla onenak sari berezia jasoko du, eta parte hartzaile guztiek opari bana jasoko dute. Izen emateak 943 01 91 80 edo 943 01 45 76 telefonoetan egin behar dira hilaren 25a (asteazkena) baino lehen.
