"Errespetua eta errekonozimendua" beharrezkoak jo ditu EAJk, "bizikidetzarako"
Jeltzaleek "jai giroa eta errespetua" protagonistak izatea nahi dutela esan dute datozen egunetan.
“Errespetua eta elkarrekiko errekonozimendua” beharrezkoak direla “bizikidetzarako” esan du EAJk komunikabideetara helarazitako prentsa oharrean. Alderdi jeltzalea dela prozesioa parrokiatik Sainduaraino egingo duen udal talde bakarra ere esan du, eta pozik azaldu da “Jaizkibelgo Zapatero ibilbidean” ezarritako aldaketekin: “Izan ere, eskatu genuen bezala, Kale Nagusian dauden pertsona gutzien segurtasunaren ararzoiak lehentasuna izan behar zuen gainerako gaien gainetik”.
EH Bilduri erreferentzia egin diote jeltzalek oharrean, eta koalizio subiranistaren adierazpenak “tristuraz eta arduraz” irakurtzen ari direla erantsi: “Alardea bizitzeko modu legal eta legitimo bat iraintzen eta deslegitimatzen jarraitzen dute”.
Bukatzeko “jai giroa eta errespetua” protagonistak izatea nahi dutela esan dute datozen egunetan.
