Egun osoko jaia antolatu dute Jaitzubiako egun handirako
Abuztuaren 15ean ospatuko dituzte Jaitzubiako jaiak. Goiz goizetik gauera bitarte jai giroan murgilduko dira auzotarrak.
Jaitzubia auzoko jaietarako egun osoko egitaraua ondu dute. Goizean goiz (08:00) dianarekin emango diote hasiera egunari. Ondoren, 10:00etan meza hasiko da eta bukatzerakoan salda eskainiko dute. 11:30etan abiatuko da pilota partida eta, aldi berean, bertsolariak kantuan hasiko dira. 12:30etan toka lehiarekin eta barraskilo lasterketarekin jarraituko dute festa.
Bazkaltzeko tarte bat egin ondoren, 17:00etan, haur jokoak egingo dituzte, eta segidan txokolatada egingo dute (18:00). 18:30ean herri kirolen erakustaldiari ekingo diote eta 20:00etan Trikitrioaren txanda izango da. 22:00etan rifak zozketatuko dituzte, eta azkenik, zezensuskoa eta DJ Txitxirriren pintxada egongo da.
