Oinaurreko jolas parkea estali dute
Aurrekontu parte hartzaileetan proposatutako proiektua da, eta 406.681,27 euroko kostua izan du.
Aurrekontu parte hartzaileetan Oinaurreko jolastokia estaltzeko teilatu baten eskaera egin zen, eta proposamen horrek udalaren lan ildoa errespetatzen duenez (irisgarritasuna, jasangarritasuna, genero ikuspegia eta inklusibitatea), proiektua idazteari ekin zioten auzotarrekin batera.
Aurrekontua 406.681,27 eurokoa izan da eta sei hilabeteko epean burutu dituzte lanak Otegi Gaztañaga Eraikuntzak enpresako langileek. Alegia, aurreikusi baino hiru hilabete lehenago bukatu dituzte lanak.
Jarduketa eremuak 1.100 metro karratu ditu, eta estali den eremuak, berriz, 486 metro karratu. Bi elementu handi ditu estalkiak, altuera desberdinetan, eta beste hirugarren plataforma bat ere badauka. Teilatuak forma errektangularra eta ertz biribilduak ditu.
Parkearen bueltan, paseatzeko eta egoteko eremu bat sortu dute, haur eta helduek erabiltzeko asmoarekin. Bestalde, argiztapena berritu dute ere.
