Hondarribia Beach Rugby txapelketan, denak garaile
Zazpigarren edizioa jokatu dute gaur goizean 13 taldek. Lehiarako baino, gozatzeko eguna izan da gaurkoa.
Hondartzan ere errugbian aritu eta gozatu daitekeela erakutsi dute gaur Hondarribian. Txingudi Errugbi taldeak antolatuta, Hondarribia Beach Rugby txapelketa jokatu dute goizean. Orotara, 13 talde aritu dira lehian, bi mailatan banatuta: txapelketa irekia eta 35 urtetik gorakoa. Lehiarako baino, gozatzeko eguna izan da gaurkoa.
Honako taldeek parte hartu dute zazpigarren edizio honetan: Euskal Barbarians, The Korkons, Bacchus, La Maravilla y los demás, Fakin Panzitas, Los Papuchiss, Asur Oreretaren lagun eta Los hijos perdidos de Iñigo (irekian) eta B-Root, Bacchus, Otso Zaharrak eta Los amigos de Paskalin (beteranoetan).
Eguraldiak gehiegi lagundu ez badu ere, giro ezin hobean igaro da goiza. Taberna bat ere egokitu dute hondartzan eta DJ Asuncio goiza alaitzen aritu da.
Jarraian HITZAk gaur ateratako irudi sorta:
