Itsasontziak eraikitzeko aukera Oiasso Museoan
Oiasso Museoak itsasontziak eraikitzeko doako tailer bat antolatu du uztailaren 6rako, 8 eta 12 urte arteko gazteei begirakoa. Parte hartzeko aurretiko erreserba egin behar da.
Oiasso Museoak itsasontziak eraikitzeko tailer bat antolatu du uztailaren 6rako, 8 eta 12 urte arteko gazteei begirakoa. Ikastaroa museoaren egoitzan egingo da, 11:00etatik aurrera, eta ordubeteko iraupena izango du. Parte hartzaileei eskulanak egiteko arropa egokia eramatea gomendatu die Oiassok.
Tailerra Dies Oiassonis jaialdi erromatarraren baitan antolatu dute. Aurtengo jaialdia uztailaren 11tik 14ra ospatuko da Irunen, ekitaldi mordoarekin. Itsasontziak eraikitzeko jardueran parte hartzean Navigium Isidis prozesio historikoan ateratzeko konpromisoa hartzen dela jakinarazi dute antolatzaileek. Navigium Isidis Dies Oiassonis jaialdiaren barruko ekitaldi nagusietako bat da.
Ikastaroa doakoa da, baina parte hartzeko beharrezkoa da aurretiko erreserba egitea 943 63 93 53 telefono zenbakian edo helbide elektronikoan. 15-20 gazterentzako tokia dagoela zehaztu du Oiassok.
