Irun Hiria beteranoen txapelketa, hilaren 15ean
Real Unioneko, Touringeko eta Arenaseko beteranoek triangulatu bat jokatuko dute Galen, 10:45etik aurrera. Iaz zendutako Iñaki Mujika kirol kazetaria izango dute gogoan.
Argazkia: Real Unionen Beterano Elkartea. Real Unioneko, Touringeko eta Arenaseko (Getxo) beteranoek Iñaki Mujika kirol kazetariaren omenezko Irun Hiria Beteranoen VII. Txapelketa jokatuko dute hilaren 15ean (larunbata), Galeko zelai artifizialean. Aipatutako taldeetako beteranoek triangulatu formatuko txapelketa bat jokatuko dute, 10:45etik aurrera. Real Unionen Beteranoen Elkarteak antolatu du txapelketa, eta iaz zendutako Mujika izango dute gogoan.
Sarrera doakoa da, eta euro bateko zozketa solidarioa egingo dutela jakinarazi dute antolatzaileek. Bildutako dirua San Jose Obrero parrokiari igorriko diote, ongintzako zereginetara bideratzeko.
- 10:45: Real Union – Touring.
- 11:30: Touring – Arenas.
- 12:15: Real Union – Arenas.
- 13:00: Sari banaketa.
