Luis Marianon egingo da lehen aldiz Merka2dasoa
Hilaren 25ean egingo da bigarren eskuko produktuen Bidasoko azoka. Postua jartzeko izena eman daiteke jada.
Datorren larunbatean, hilak 25, bigarren eskuko objektuen Merka2dasoa azoka Irunen izango da. Berritasun gisa, oraingoan azoka lekuz aldatu eta Luis Mariano plazan egingo da, Zabaltza plazan egin beharrean. Ordutegia 10:00etatik 14:00etara bitartekoa da.
Salmenta postu bat jarri nahi dutenek eskaera hilaren 17a baino lehen egin beharko dute. Horretarako, jada zabaldu da izen-emate inprimakia Txinzerren webgunean; 900 119 384 telefonora deituta ere eskabidea egiteko aukera izango da.
Aurreko edizioetan bezala, merkatuak postu partikularrak eta gordailu-salmentarako gune bat izango ditu. Bertan, salmenta-posturik ez dutenek euren produktuak uzteko aukera izango dute, merkatuaren antolatzaileek sal ditzaten.
