Itaia: "Indarkeria matxistari aurre egin"
Itaiak deitutako gaurko elkarretaratzean indarkeria matxistaren aurrean emakume langileei dei egin diete ez makurtzeko.
Bidasoko Itaiak deituta San Juan plazan bildu dira gaur 18:30ean. Indarkeria matxista salatu dute, eta gogoratu dute ostiralean emazte bat hil zuela gizon batek Donibane Lohizuneko hotel batean, aste batzuk lehenago hotel bateko balkoitik emaztea bota ondoren. Horrez gain, atzo Irunen emakume batek jasandako eraso matxista ere gaitzetsi dute.
Itaiak nabarmendu du “etengabeak” direla emakume langileen kontrako erasoak, ez direla kasu isolatuak eta emakumeak zapalduta mantentzeko gizartearen muturreneko adierazpentzat jo dituzte eraso horiek. “Erasoen aurrean gogor eta tinko” egoteko deia egin dute, “emakume langile ez zaitez makurtu”.
