IX. Ikusmiraren edizioa aurkeztu dute
Iaz Irunera atzerritik etorri eta erroldatu ziren herritarrentzat da programa eta edizio hau hilaren 2tik 31ra bitartean egingo da. Oraindik izena eman daiteke.
Bederatzigarren urtez segidan hasiko da Ikusmira proiektua. Iaz Irunera atzerritik etorri eta erroldatu ziren herritarrentzat da programa eta edizio hau hilaren 2tik 31ra bitartean egingo da. Atzo egin zuten edizio honen aurkezpena udaletxean, eta adierazi zutenez, dinamizatzaile lanetan Kulturarteko Bitartekaritzako Taldea arituko da.
Irungo udaletxeko areto nagusian elkartu ziren Nuria Alzaga Gizarte Ongizateko ordezkariak eta parte hartzaileak, eta Alzagak proiektuaren garrantzia nabarmendu zuen: “Ikusmira funtsezkoa da Irunera etorri berri diren atzerritarrei harrera egiteko eta haiek integratzeko. Programa honen bidez, ingurua ezagut dezakete, eta hiriak zer baliabide eskaintzen dituen jakin. Gainera, proiektua bada kultura desberdinetako pertsonak elkartzeko eta harremanetan jartzeko bide bat ere”.
Edizio honetan, 35 lagunek parte hartuko dute, bi taldetan: goizeko taldea ostiraletan bilduko da, 11:00etatik 13:00etara, eta arratsaldekoa, ostegunetan, 17:00etatik 19:00etara; biak ala biak, bost astez jarraian.
Jarduerak bitartekari taldeak zuzenduko ditu, eta, batzuetan, udal baliabideetan lan egiten duten pertsonek ere parte hartuko dute. Zehazki, jarduera eta bisita gidatu hauek egingo dira:
- Udaletxeko areto nagusia eta liburutegia, Gazte Informaziorako Bulegoa eta Herritarrentzako Arreta Zerbitzua
- Gaztelekuak, ludotekak eta ingurune irekiko programa
- Oiasso Museoa, ermita eta euskaltegia
- Bidasoa bizirik
- Plaiaundiko parke ekologikoa –proiektuari amaiera emateko saioa egingo da bertan, eta bertaratze ziurtagiriak banatuko dira–
Izena emateko epea amaitu den arren, interesatuek izena eman dezakete zenbaki hauetako edozeinetara deituta oraindik: 943 50 56 35 edo 638 901 245 zenbakietara, eta goizez edo arratsaldezko aukera hautatu behar da. Zailtasunik izanez gero, koordinatzailearen zenbakien bidez ere jar daitezke harremanetan (602 218 196 telefonoa), 699 111 073 errumaniar kulturarteko bitartekariarekin kontaktatzeko, honako zenbakia hau da: 699 111 073 telefonoa.
