Aire zabaleko marrazketa saioa, maiatzaren 11n
Lau orduko saioan Bidasoa inguru pasaiak marraztuko dituzte. Izen ematea maiatzaren 8ra bitarte egongo da irekita.
Pasaian eta haren irudikapen naturala marraztean interesatuta daudenentzako aire zabaleko marrazketa ikastaroa antolatu du udalak. Maiatzaren 11n izango da, 10:00etatik 14:00etara eta 4 ordu iraungo du. Izen ematea jada zabalik dago, maiatzaren 8ra bitartean udalaren egoitza elektronikoan.
Parte hartzaileak Bidasoa inguruko paisaiara joango dira, eta ez da beharrezkoa aurrez inongo esperientziarik izatea. Tailerraren helburua formatu txikian aurrerago obra bat sortzeko apunte bat egitea dela azaldu dute. Gainera, parte hartzaileek interesekoa duten prozedurak ikasiko dituzte: olioa, akuarela, lapitzak…
Ikastaroaren prezioa 21,60 eurokoa da, eta taldea bost ikaslek osatuko dute gutxienez, eta hamabostek gehienez. Informazio gehiago nahi dutenek Herritarrentzako Arreta Zerbitzura edo Kultura sailera jo dezakete, helbide elektroniko honetara idatzi, edo 606 220 417 eta 695 752 994 telefono zenbakietara deitu.
